.jpg){kind=link}
24
ഏറ്റമിനിയ ഗാനങ്ങൾ
വിക്തോർ ഹ്യുഗൊ (VICTOR HUGO, 1802-1885)
പരസ്പരമുള്ള പരിപൂർണ്ണപ്രേമത്തെ ഉലയ്ക്കാൻ ഒന്നിനുമാവില്ല. ‘നിറയും രതി ലോകസംഗ്രഹം കുറിയാക്കാ സഖി കൂസലാർനിടാ.’ [1] തങ്ങളുടെ പുതിയ ബന്ധത്തെക്കുറിച്ചുള്ള ചുറ്റുപാടുകളുടെ പിറുപിറുക്കലിനെ അവഗണിക്കാവുന്നതേയുള്ളൂ-ഉപപത്നി ഴ്യുലിയേത്തിനു, പ്രാപഞ്ചികമായ പ്രേമ സംഗീതത്തിന്റെ പശ്ചാത്തലത്തിൽ, വിക്തോർ ഹ്യുഗൊ ധൈര്യം പകരുന്നു.
വരിക, വാടിയിൽ കേൾക്കുന്നദൃശ്യമാം
ഒരു മുരളിക തൻ നെടുവീർപ്പുകൾ,
പരമശാന്തി വഴിഞ്ഞിടും പാട്ടെന്നും
ഇടയർ പാടുന്ന പാട്ടാണസംശയം.
ഒരു മുരളിക തൻ നെടുവീർപ്പുകൾ,
പരമശാന്തി വഴിഞ്ഞിടും പാട്ടെന്നും
ഇടയർ പാടുന്ന പാട്ടാണസംശയം.
കിളികൾ വാഴുന്ന ‘ഷേ’ നിൻ ചുവട്ടിൽ കാർ- [2]
മ്മുകുര തുല്യമമരും സരസ്സിനു [3]
പുളകമേറ്റുന്നു പൂന്തെന്നൽ, ആനന്ദം
വഴിയും പാട്ടെന്നും പൈങ്കിളിപ്പാട്ടല്ലോ.
മ്മുകുര തുല്യമമരും സരസ്സിനു [3]
പുളകമേറ്റുന്നു പൂന്തെന്നൽ, ആനന്ദം
വഴിയും പാട്ടെന്നും പൈങ്കിളിപ്പാട്ടല്ലോ.
കരളിടായ്കൊരു ചിന്തയും നിൻ കരൾ,
ഇരുവരും നാം പരസ്പരം പ്രേമിക്ക,
അനവരതവും പ്രേമിക്ക ഏറ്റവും
ഇനിയ ഗാനങ്ങൾ പ്രേമഗാനങ്ങളാം! [4]
ഇരുവരും നാം പരസ്പരം പ്രേമിക്ക,
അനവരതവും പ്രേമിക്ക ഏറ്റവും
ഇനിയ ഗാനങ്ങൾ പ്രേമഗാനങ്ങളാം! [4]
L’ame En Fleur
കുറിപ്പുകൾ
[1]
ആശാൻ-ലീല
[2]
ഷേൻ (Chene) = ഒരു യൂറോപ്യൻ വൻവൃക്ഷം (ഇംഗ്ലീഷിൽ Oak)
[3]
അഹാര്യഭാസ്സതു കരമേലെഴും മഹീ-
രുഹാദിതൻ പ്രതിമ പതിഞ്ഞ നീരുമായ്
സ്പൃഹാകരം വിലസി, വനാന്തലക്ഷ്മിതൻ
മഹാർഹമാം മണിമുകുരം കണക്കിനേ.
(വള്ളത്തോൾ — ചിത്രയോഗം)
രുഹാദിതൻ പ്രതിമ പതിഞ്ഞ നീരുമായ്
സ്പൃഹാകരം വിലസി, വനാന്തലക്ഷ്മിതൻ
മഹാർഹമാം മണിമുകുരം കണക്കിനേ.
(വള്ളത്തോൾ — ചിത്രയോഗം)
നാലുകുന്നിൻ നടുവിലെച്ചോല
നിലവാനിനു കണ്ണാടി.
(എം. ഗോവിന്ദൻ — അരയാലിന്റെ മുജ്ജന്മം)
നിലവാനിനു കണ്ണാടി.
(എം. ഗോവിന്ദൻ — അരയാലിന്റെ മുജ്ജന്മം)
[4]
വീണ മുറുക്കുക പാടുക നൂറു-
യുഗങ്ങളുണർത്തിയ പരിപാവനമാം
പ്രേമത്തിന്റെ മനോഹരഗീതം.
(എസ്. രമേശൻ നായർ — വിരഹിണി, വിധുമുഖി)
യുഗങ്ങളുണർത്തിയ പരിപാവനമാം
പ്രേമത്തിന്റെ മനോഹരഗീതം.
(എസ്. രമേശൻ നായർ — വിരഹിണി, വിധുമുഖി)