SFNസായാഹ്ന ഫൌണ്ടേഷൻ
images/Idylle_pastorale_sur_le_fleuve.jpg
Shepherds idyll on the river, a painting by Jean François Duval (1776-1854).
16
ഇനി​യും ചും​ബി​ക്കൂ
ലൂ​യി​സ് ലബെ (LOUISE LABE, 1525-1566)

ചുംബനം-​അധരങ്ങളിലൂടെ ആത്മാ​വി​നെ ആത്മാ​വി​ലേ​ക്കു പക​രു​ന്ന പാ​വ​ന​പ്ര​ക്രിയ! അനു​ഭ​വൈ​ക​വേ​ദ്യ​മാ​ണ​തി​ന്റെ നിർ​വൃ​തി. ഈ നിർ​വൃ​തി​ക്കാ​യി തന്നെ തു​ട​രെ​ത്തു​ട​രെ ചും​ബി​ക്കാൻ നായിക പ്രേ​യാ​നോ​ടർ​ത്ഥി​ക്കു​ന്നു. നല്ല പശി​മ​യു​ള്ള പ്ര​ണ​യ​ഗീ​ത​ങ്ങ​ളി​ലൂ​ടെ ഇന്നും ഓർ​മ്മി​ക്ക​പ്പെ​ടു​ന്ന കവ​യി​ത്രി ലൂ​യീ​സ് ലബെ ഇവിടെ ചും​ബ​ന​ത്തി​നു് ഒരു കൊ​ച്ചു ഭാ​ഷ്യം ചമ​ച്ചി​രി​ക്കു​ന്നു: പ്രേ​മ​ത​ര​ളി​ത​മായ ചേ​ത​ന​യു​ടെ വെ​ളി​യി​ലേ​ക്കു​ള്ള തു​ളു​മ്പ​ലാ​ണു് ചും​ബ​നം. ഈ തു​ളു​മ്പ​ലി​ല്ലെ​ങ്കിൽ ജീ​വി​ത​ത്തി​ന് സം​തൃ​പ്തി എന്നൊ​ന്നി​ല്ല.

ഇനി​യും ചും​ബി​ക്കൂ. തു​ട​രെ​ച്ചും​ബി​ക്കൂ,
വി​ടാ​തെ നീ​യെ​ന്നെ പ്പൊ​തി​രെ​ച്ചും​ബി​ക്കൂ, [1]
ഇനി നിൻ ചും​ബ​ന​നി​ക​ര​ത്തി​ലേ​റ്റം
ഇനി​മ​യാർ​ന്ന​തൊ​ന്നെ​നി​ക്കു തന്നാ​ലും.
ഇനി നിൻ ചും​ബ​ന​നി​ക​ര​ത്തി​ലേ​റ്റം
പ്ര​ണ​യ​മൂ​റു​മൊ​ന്നെ​നി​ക്കു തന്നാ​ലും.
പകരം നല്കും നാ​ലി​ര​ട്ടി ഞാൻ നിന- [2]
ക്കെ​രി​ക​ന​ലു​പോ​ലെ​ഴു​മെൻ ചും​ബ​നം. [3]
ഇതെ​ന്തു! നിൻ മാ​ന്ദ്യ​മി​തി​നെ ഞാൻ മാ​റ്റും [4]
ഇത​ര​മാം പത്തു മധു​ര​മു​ത്ത​ത്താൽ,
രുചിര ചും​ബ​നം പര​സ്പ​ര​മേ​കി
പ്ര​ഹൃ​ഷ്ട​രാ​യ് സ്വൈ​രം നമു​ക്കു വാ​ണി​ടാം, [5]
ഒരാ​ളു​മ​റ്റാ​ളിൽ ലയിച്ചിരുവരു-​
മി​യ​ലും താൻ താ​നാ​യി​ര​ട്ട ജീ​വി​തം. [6]
വി​ല​ക്കു​കൾ വാ​ഴ്കേ വി​പ​ന്ന ഞാൻ വാ​ഴ്‌​വിൽ, [7]
അറി​യു​ന്നി​ല്ല ഞാ​ന​ണു​വും സം​തൃ​പ്തി
തര​ളി​ത​മാ​കു​മ​ള​വി​ലെ​ന്നു​ള്ളം
വെ​ളി​യി​ലേ​ക്കൊ​ന്നു തു​ളു​മ്പു​ന്നി​ല്ലെ​ങ്കിൽ!

Baise M’encor, Rebaise-​Moi Et Baise

കു​റി​പ്പു​കൾ
[1]
മു​ക​രു​കെ​ന്നെ മു​ക​രു​കെ​ന്നു​ള്ളിൽ നി-
ന്ന​ക​ലു​വോ​ളം തമോ​ഭ​രം മേ​ദു​രം.
(ജി. — കാ​ട്ടു​മു​ല്ല)
എൻ​ക​വിൾ​ത്ത​ട്ടിൽ​നി​ന്നി​ത്ര​വേ​ഗം
ചു​ണ്ടെ​ടു​ക്കാ​യ്ക നീ​യോ​മ​ലാ​ളേ.
(ചങ്ങ​മ്പുഴ — ഹേ​മ​ന്ത​ച​ന്ദ്രിക)
അവസരം മറ്റില്ലിനിയിച്ചുംബന-​
ശത​മ​ന്യോ​ന്യം നാം പക​രു​വാൻ.
(ഇട​പ്പ​ള്ളി — കര​യ​ല്ലേ)
എന്നെ നീ വാ​രി​ക്കോ​രി​പ്പു​ണ​രൂ ഞാനും നീയും
ഒന്നാ​യി​ട്ടു​ണ​രു​മീ ദി​വ്യ​മാം നി​മി​ഷ​ത്തിൽ
(മേ​ല​ത്ത് ചന്ദ്ര​ശേ​ഖ​രൻ — നക്ഷ​ത്ര​ങ്ങൾ കൊ​ഴി​യും​വ​രെ)
ആരക്ത സു​ന്ദ​രം നി​ന്മു​ഖം ചുംബിച്ചൊ-​
രാ​രാ​മ​മാ​ക്ക​ട്ടെ ഞാൻ.
(പഴവിള രമേശൻ — രതി​നിർ​വേ​ദം)
തു​ട​രെ​ത്തു​ട​രെ ഞാൻ നിൻ​ചു​ണ്ടിൽ​നി​ന്നും നൂറു-
ചു​ടു​ചും​ബ​ന​ത്തി​ന്റെ പൂ​വു​ക​ള​റു​ത്തി​ട്ടും…
(പു​തു​ശ്ശേ​രി രാ​മ​ച​ന്ദ്രൻ — ജീ​വി​തം എന്റെ നി​ത്യ​കാ​മു​കി)
Farewell, farewell, one kiss,
And I will descend.
(Shakespeare — Romeo and Juliet)
O lift me from the grass!
I die, I faint, I fail!
Let thy love in kisses rain
On my lips and eye-​lids pale.
My cheek is cold and white alas!
My heart beats loud and fast;
it close to thine again
Where it will break at last!
(Shelley — Lines to an Indian Air)
[2]
പനി​നീർ​പ്പു​വൊ​ന്നി​ന്നു നീ​യെ​നി​ക്കേ​കാ​മെ​ങ്കിൽ
പകരം നി​ന​ക്കു ഞാൻ തന്നി​ടാ​മൊ​രു​കൂ​ട്ടം.
(ചങ്ങ​മ്പുഴ — ഹേ​മ​ന്ത​ച​ന്ദ്രിക)
[3]
കാ​മു​കൻ കാ​മു​കി​ക്കു നല്കു​ന്ന തി​ള​യ്ക്കു​ന്ന ആദ്യ​ചും​ബ​നം…
(സച്ചി​ദാ​ന​ന്ദൻ — പ്ര​ണ​യ​ബു​ദ്ധൻ)
കത്തു​ന്ന ചും​ബ​നം​കൊ​ണ്ടു നീ പണ്ടെ​ന്റെ
കയ്ക്കു​ന്ന പ്രാ​ണ​നെ​ച്ചു​ട്ടു​പൊ​ള്ളി​ച്ച​തും…
(ചങ്ങ​മ്പുഴ — ഹേ​മ​ന്ത​ച​ന്ദ്രിക)
[4]
ചും​ബി​ച്ചു തളർ​ന്ന കാ​മു​ക​ന്നു പ്ര​തി​ചും​ബ​ന​ങ്ങൾ​കൊ​ണ്ടു
നവോ​ന്മേ​ഷം നല്കും.
ഉട​നു​ടൻ മു​കർ​ന്നി​ളം കവിൾ​ത്ത​ടം
തു​ടു​തു​ടെ​യാ​ക്കി​പ്പു​ണർ​ന്നു​ണർ​ത്തു​വാൻ.
(ജി. — പി​ന്ന​ത്തെ വസ​ന്തം)
[5]
നവ നവ മൃദു ചുംബനങ്ങളേകി-​
ക്കവന വി​ലാ​സി​നി നീ​യ​ടു​ത്തു നി​ല്ക്കേ
ഇവ​നെ​ഴു​മ​ന​വ​ദ്യ നിർവൃതിക്കി-​
ല്ല​വ​ധി, യതാ​ണി​വ​നേക ഭാ​ഗ്യ​മാ​ര്യേ
(ചങ്ങ​മ്പുഴ — നക്ഷ​ത്രം.)
നി​ന്മു​ഖ​മു​യർ​ത്തി ഞാൻ ചും​ബ​നം ചെ​യ്കേ ധന്യ-
മെ​ന്റെ ഭാവന ചി​റ​കാർ​ന്നു വി​ണ്ണി​ലേ​ക്കെ​ത്തി
ചണ്ഡ​വേ​ഗ​മാർ​ന്നു​യ​രു​ന്നു. സത്യ​ലോ​ക​ത്തിൻ
മണ്ഡ​ല​ങ്ങ​ളി​ല​ഭി​ഷേക പൂജകൾ ചെ​യ്യാൻ
(വി​ഷ്ണു​നാ​രാ​യ​ണൻ നമ്പൂ​തി​രി — പുളകം.)
കാലം മു​ഴു​വൻ ഒരൊ​റ്റ നി​മി​ഷ​ത്തി​ലേ​യ്ക്കു ചു​രു​ങ്ങി
ഇരു​ളിൽ നമ്മു​ടെ ചും​ബ​നം ഇടി​മി​ന്നൽ​പോ​ലെ തി​ള​ങ്ങി
ആ ഗുഹ ബോ​ധി​യാ​യി
എനി​ക്കു പ്ര​ണ​യ​ത്തി​ന്റെ വെ​ളി​പാ​ടു​ണ്ടാ​യി.
(സച്ചി​ദാ​ന​ന്ദൻ — പ്ര​ണ​യ​ബു​ദ്ധൻ)
മന്ത്ര​ണ​മാ​യ് കു​റു​മൊ​ഴി​യാ​യ് പരി​മ​ള​മാ​യ് മൃ​ദു​ഹ​സന
സ്പ​ന്ദ​ന​മാ​യ് വെ​ഞ്ചാ​മര ധവ​ളി​മ​യാ​യ് വന്നു നീ.
നീ​യെ​ന്റെ വി​കാ​ര​ങ്ങ​ളി​ലു​മ്മ​ക​ളാ​ലു​ണ്മ​ക​ളിൽ
ജീ​വ​ന്റെ മഹാ​ര​ഹ​സ്യ​പ്പൊ​രു​ളു തു​റ​ന്ന​റി​യി​ച്ചു.
(ചെ​റി​യാൻ കെ. ചെ​റി​യാൻ — നീ)
[6]
നിൻ വലംകൈ മു​കർ​ന്നോ​തീ:
നി​ന്നിൽ ജീ​വി​ച്ചി​രി​പ്പു ഞാൻ,
കണ്ണിൽ ബിം​ബ​ങ്ങ​ള​ന്യോ​ന്യം
കണ്ണി​റു​ക്കി​ച്ചി​രി​ക്ക​വേ.
(വി​ഷ്ണു​നാ​രാ​യ​ണൻ നമ്പൂ​തി​രി — ദു​ഷ്യ​ന്തൻ)
Either was the other’s mine.
(Shakespeare — The Phoenix and the Turtle.)
ഉട​ലു​കൾ തന്നകലംപോലു-​
മലി​ഞ്ഞൊ​ന്നാ​യി​ച്ചേർ​ന്നു…
അക​ല​ത്തു​മ​ടു​ത്തും
നീ ഞാ​ന​ല്ലേ
മാ​യ​ക്ക​ണ്ണാ
(പ്ര​മീ​ളാ​ദേ​വി — ദി​ന​സ​രി)
[7]
പ്ര​തി​നി​മി​ഷം നി​റ​ഞ്ഞു തു​ളു​മ്പി​ടും
പ്രണയ മാ​ധ്വീ ലഹ​രി​യിൽ ലീ​ന​നാ​യ്
(ഇട​പ്പ​ള്ളി — മണി​നാ​ദം)
Colophon

Title: French Romantic Poems (ml: ഫ്ര​ഞ്ച് പ്ര​ണ​യ​ഗീ​ത​ങ്ങൾ).

Author(s): Mangalat Raghavan.

First publication details: DC Books; Kottayam, Kerala; 2003.

Deafult language: ml, Malayalam.

Keywords: Poem, Mangalat Raghavan, French Romantic Poems, മം​ഗ​ലാ​ട്ട് രാഘവൻ, ഫ്ര​ഞ്ച് പ്ര​ണ​യ​ഗീ​ത​ങ്ങൾ, Open Access Publishing, Malayalam, Translation, Sayahna Foundation, Free Software, XML.

Digital Publisher: Sayahna Foundation; JWRA 34, Jagthy; Trivandrum 695014; India.

Date: September 18, 2021.

Credits: The text of the original item is copyrighted to the author. The text encoding, editorial notes and index were created and​/or prepared by the Sayahna Foundation and are licensed under a Creative Commons Attribution By NonCommercial ShareAlike 4​.0 International License (CC BY-​NC-SA 4​.0). Commercial use of the content is prohibited. Any reuse of the material should credit the Sayahna Foundation and must be shared under the same terms.

Cover: Shepherds idyll on the river, a painting by Jean François Duval (1776-1854). The image is taken from Wikimedia Commons and is gratefully acknowledged.

Production history: Data entry: Staffers at River Valley; Proofing: KB Sujith; Typesetter: CVR; Editor: PK Ashok; Digitizer: KB Sujith; Encoding: CVR.

Production notes: The entire document processing has been done in a computer running GNU/Linux operating system and TeX and friends. The PDF has been generated using XeLaTeX from TeXLive distribution 2021 using Ithal (ഇതൾ), an online framework for text formatting. The TEI (P5) encoded XML has been generated from the same LaTeX sources using LuaLaTeX. HTML version has been generated from XML using XSLT stylesheet (sfn-​tei-html.xsl) developed by CV Radhakrkishnan.

Fonts: The basefont used in PDF and HTML versions is RIT Rachana authored by KH Hussain, et al., and maintained by the Rachana Institute of Typography. The font used for Latin script is Linux Libertine developed by Phillip Poll.

Web site: Maintained by KV Rajeesh.

Download document sources in TEI encoded XML format.

Download PDF.